Во 2010 година тој и Ѓоко Таневски со „Јас ја имам силата“ ја претставуваа Македонија на најголемиот музички фестивал во светот, „Евровизија“ во Осло, Норвешка, пренесува Телеграф.
Раперот Били Ѕвер, кого јавноста го памети по настапот на „Евровизија“, но и по неколкуте негови песни, денес се занимава со нешто сосема друго.
Поточно, Били веќе неколку години го работи семејниот бизнис, а тоа е одгледување пчели во неговиот роден град Кавадарци, поточно на планината Кожув.
- Главна причина поради која се повлеков од естрадата е семејството, никогаш не сум поврзувал семејство и работа во доцните часови, двете работи не одат заедно. Не значи дека сум откажан од музиката, едноставно правам пауза, не се знае во иднина што може да се случи, може да излета некоја песничка - ни вели раперот.
Тој денес се занимава со пчелни производи, односно произведува органски мед. Били вели дека одлично заработува од овој бизнис, а исто така го радува фактот што луѓето веќе почнуваат да се хранат здраво.
- Сега се занимавам со пчелни производи, односно произведувам мед. Слободно ќе кажам дека има добра живејачка од медот, луѓето се повеќе сфаќаат дека треба да користат здрава храна и да се хранат здраво. Јас произведувам органски мед со сертификат, а пчелите се наоѓаат на планината Кожув, поточно во селото Радња. За брзо време ќе имам изненадување во рака со производството со мед, но за тоа ќе ве известам кога ќе дојде време. Во сето ова ми помага и мојот татко, кој целиот свој живот се занимава со пчеларството и имам голема поддршка од него - ни изјави Били.
Инаку, Били од неодамна се ожени и стана татко на малечката Весне.