Денеска времето во Македонија ќе биде променливо облачно со сончеви периоди, а ќе дува слаб ветер од југоисточен правец. По котлините ќе има појава на слаба магла и ниска облачност.
Утринските температури се движат од минус 12 до минус 3 Целзиусови, а дневните ќе бидат во интервал од минус 1 до 7 степени.
Во Скопје и околината се очекува слично време, променливо облачно, со слаб ветер од југоисточен правец. Максималната дневна температура во главниот град ќе се движи околу 0 Целзиусови степени.
Метеоролозите, стабилно време најавуваат и за утре, а кон крајот на денот и преку ноќта кон вторник се очекува зголемување на облачноста, со повремени врнежи од снег во западните делови од земјава.