Во текот на вчерашниот ден, 15 сообраќајни несреќи се случиле на територијата на Град Скопје, од нив во пет била причинета материјална штета, а вкупно 15 лица биле повредени. Само во еден случај се работи за потешко повредено лице.
Како информира главниот инспектор од СВР Скопје, Сашо Дамјановски, извршени се голем број контроли од страна на сообраќајната полиција и откриени се доста прекршоци. Најмногу од нив се казнети за неприлагодена брзина на движење, непочитување на елементарни сообраќајни правила, непрописно паркирање, а еден за управување на моторно возило под дејство на алкохол. Специјалното возило од „пајак“ службата отстранило вкупно 42 возила.
Како превентивни активности кои ги превзема МВР за кревање на сообраќајната свест и култура, СВР Скопје одржаа работилници со учениците од ОУ „Димитар Поп Георгиев Беровски“ од Ѓорче Петров и ОУ „Лазо Анѓеловски“ од Аеродром.