Најголема атракција за странските туристи е културното наследство, на второ место се природните убавини, а потоа следуваат традиционалната храна и останатите активности.
Ова се резултатите од анализите спроведени од страна на Факултетот за туризам и угостителство врз 300 испитаници од 5 различни држави од Европа. Според анкетата сениорите се едни од групата на гости со најголема платежна моќ. Oваа популација е склона да патува и не е ограничена со временски период.
Со конкретни пакет аранжмани главниот туристички центар ќе ги поттикнува патувањата на сениорите пред или после сезона.
Целта на проектот Лејк актив е продолжување на сезоната со креирање на нови туристички производи.
