Министерството за здравство порача внимателно изложување на високите температури во периодот што следува бидејќи тоа може да се одрази врз здравјето на граѓаните.
„Се препорачува граѓаните да бидат внимателни, имајќи предвид дека изложеноста на повисоки температури, без претходна постепена адаптација, создава чувство на поинтензивна топлина слична на онаа во летните месеци и може да предизвика здравствени проблеми кај некои лица. Воедно, се препорачува хронично болните лица редовно да ја земаат пропишаната терапија, соопшти Министерството за здравство.
Според најновите информации од Управата за хидрометеоролошки работи, се очекуваат високи температури на подрачјето на целата држава.