Општина Аеродром деновиве интензивно врши поправка на реквизитите на спортските и детските игралишта на целата нејзина територија.
Реконструкцијата на спортските игралишта опфаќа поправка и бојосување на кошевите и головите, поставување обрачи на кошевите, како и поправка на оштетените делови од оградите.
Во акцијата се поправаат и реквизитите на сите детски игралишта на територијата на општината.
Акцијата има за цел на граѓаните да им се овозможат подобри услови за спортување и рекреација во текот на летниот период.