Основното училиште од Општина Аердором, поточно од населбата Реонски Центар, „Александар Македонски“ организираше еколошки час на тема климатски промени. Часот го организираше Министерството животна средина и УНДП по повод 5-ти јуни, Светскиот ден на животнта средина. Часот се реализираше со помош на таканаречената подвижна лабораторија која е опремена со потребните инструменти за на учениците да им бидат презентирани материјали поврзани со климатските промени, затоплувањето и последиците од истото.
Преку ова на учениците ќе им биде полесно да си создадат претстава за процесите кои се одвиваат во природата, промените на климата и да дознаат повеќе за водата, воздухот и почвата. Целта на Еко-караванот е да се подигне свеста и да се едуцираат најмладите за важноста на чистата и здрава животна средина; да се поттикнат најмладите на позитивно однесување во врска со зачувување на просторот кој не опкружува.