Македонскиот Олимписки Комитет денес го објави списокот на македонските претставници, кои ке бидат пет на број, за настап на Олимписките Игри во Рио де Жанеиро.
Ристе Пандев (Атлетика, 100 метри), Дрита Исљами (Атлетика, 400 метри со пречки), Анастасија Катерина Богдановски (Пливање, 200 метри слободно), Нина Балабан (Спортско стрелаштво, воздушна пушка 10 метри) и Катерина Николоска (Џудо, -63 кгр).
Иако постоеше иницијатива за отстапка од правилата, МОК не успеа да обезбеди учество на Марко Блажевски, кој иако имаше остварено Б норма, сепак поради правилата кои гласат второ учество на Олимписки игри може само да се оствари со А норма, не е дел од оваа експедиција.
Водач на Олимписката делегација ќе биде спортскиот директор на Македонскиот олимписки комитет, Владимир Богоевски.
Свеченото отварање е предвидено за 5 август, додека последниот ден на 31 Олимписки игри е 21 август.