Немам магично стапче за да замавнам со него и да направам сите ваши проблеми да исчезнат одеднаш. Но, можам да бидам тука за вас, да ве слушам и да ви дадам совет.
Ќе бидам тука кога ќе бидете премногу тврдоглави за да признаете дека ви е потребна помош. Ќе бидам до вас кога ќе сакате да останете дома не правејќи ништо, кога ќе сакате само да зборувате или пак само да молчите. Ќе бидам тука за вас и кога нема да сакате да слушате за убавите нешта кои се случуваат во туѓите животи. Тогаш кога ќе ви се потребни охрабрувачки зборови, повеќе од било кога.
Ќе бидам тука да слушам, да слушнам како се чувствувате, кои мисли ви минуваат во глава и како сакате да се чувствувате. Секогаш ќе ви нудам прифаќање, наместо судење и ќе верувам во вас.
Немам огромна сила да ги решам сите ваши проблеми, ниту пак ќе можам да ве убедам дека некои луѓе не се добри за вас, но можам да бидам тука кога тие ќе си заминат. Ќе бидам тука да ги избришам вашите солзи и да ви кажам дека животот продолжува. Ќе бидам тука кога лошите луѓе ќе се обидат да ве убедат дека не заслужувате ништо добро во животот. Ќе бидам тука кога лошите луѓе ќе се обидат да ви ги одземат добрите нешта. Ќе се борам со вас. Ќе се борам за вас.
Секојдневно ќе ве сакам. Секојдневно ќе ве потсетувам колку сте прекрасни. Не можам да ве сменам, но можам да ве сакам онакви какви што сте. Прекрасни.
Ќе бидам тука за вас, бидејќи тоа е тоа што го правиш за оние кои ги сакаш.