Вистинската љубов доаѓа тогаш кога си подготвен да се откажеш од своето его поради среќа.

Кога попрво би избрал мир отколку да бидеш во право.

Кога ќе сфатиш дека не мораш никому да ја докажуваш својата љубов, ниту да внимаваш на минливото време на биолошкиот часовник.

Кога конечно ќе сфатиш дека интензитетот на љубовта не мораш да го докажуваш со љубомора, туку нејзиниот интегритет го чуваш такашто љубомора нема ни да има.

Меѓутоа, додека сѐ уште сме неискусни, грешките не само што ни се простуваат, туку некако и се подразбираат.

Мислиме дека љубовта постои само ако сме во епицентарот на нечие внимание, дека среќа е кога некој ќе ни признае дека сме во право, кога околината ни аплаудира затоа што ги исполнуваме очекувањата и кога сето тоа љубоморно го чуваме.

А потоа, на потешкиот начин сфаќаме дека тоа нема да оди баш така лесно...

Доколку во последно време не се гледате често со другарките, овој текст ќе ве подзамисли и ќе ве поттикне да им се јавите и да испиете по едно кафе, особено кога ќе ги прочитате резултатите од новото истражување кое покажува дека токму тоа дружење навистина влијае на вашето здравје.

Научниците од Оксфорд утврдиле дека жените треба да поминуваат време со другарките барем двапати неделно, затоа што така ја поправаат општата здравствена состојба.

Робин Дунар, психолог и автор на истражувањето, открил дека општата здравствена состојба на жените е многу подобра кога се дружат со пријателките барем двапати во седум дена и притоа пијат пиво на пример.

Дунар вели: „Овие работи ги поттикнуваат жените на социјализација, дружба и смеа со по некоја пијачка. Здравствените предности се: побрзо оздравување од болести, посилен имунолошки систем, намалување на анксиозноста и зголемување на великодушноста. Сите овие работи придонесуваат жените да се чувствуваат многу подобро.“

Научниците во ова истражување дошле до податокот дека само две од пет жени барем еднаш неделно излегува со другарките на вечера, а ова е уште поретко кога имаат семејство. Жените во просек посветуваат многу малку време за негување пријателски односи.

Истражувањето покажало дека жените најдобро комуницираат низ смеа, шегувајќи се и раскажувајќи ги ситуациите кои им се смешни. Меѓутоа, важно е и колкава група е во прашање, па се препорачува одеднаш да се среќаваат најмногу три другарки.

Психологот Алиса Руби Баш вели: „Жените треба да ги одржуваат пријателските врски дури и повеќе од мажите. Тоа го зголемува нивото на серотонин и окситоцин. Одржувањето на тие врски станува уште поважно со текот на стареењето. Стануваме сѐ позафатени, имаме сѐ поголеми одговорности, а пријателите ни се потребни за да не бидеме осамени.“

Жените имаат многу стресни животи и понекогаш се чувствуваат виновни кога ќе го напуштат семејството за да отидат да се видат со другарките. Но, важно е да се пронајде време за себе, затоа што така излегувате од рутината и се опуштате. Смеата е најдобар лек, а ова истражување го докажало тоа.

Времето денеска ќе биде променливо облачно и посвежо со слаб до умерен северен ветер.

Утринската температура ќе се движи од минус четири до четири степени, а дневната ќе биде во интервал од пет до 15 степени.

Од понеделник повторно ќе преовладува стабилно и потопло време со
претежно југозападен ветер. Од вторник на југоистокот температурата ќе надминува 20 степени.

РК Вардар вчера го совлада европскиот шампион Монпелје со 33-27 во последниот меч од групната фаза во ракометната Лига на шампиони. Со оваа победа Вардар го освои третото место во групата, па во осмина-финалето Вардар ќе игра со шестопласираниот тим од Група Б, една од екипите на Мотор Запорожје или ППД Загреб.

Навивачката група “Комити” како и секогаш, така и на овој натпревар беа главната поддршка на црвено-црните, а овојпат од трибините порачаа – „Да живее Македонија”.

Хуманитарен Зоо базар ќе се одржи денеска во Зоолошката градина во Скопје поддржан од повеќе здруженија за заштита на животните, како и граѓански активисти.

Да помогнеме на нашите бездомни крзнени пријатели!, е мотото на базарот, во чии рамки ќе бидат поставени кутии за донации, а на влезот  штандови со сувенири, приврзоци, маички со животински принт.

Сите собрани средства од штандовите, ќе бидат наменети за спасување на животот на многу животни.

Целта е да се научат најмалите за љубовта кон животните, емпатијата и помагањето на послабиот, а сепак најискрен човеков пријател.

Лидија Ристевска боледува од прогресивна “мultiplex ѕcleroza“ која и предизвикува квадриплегија на сите четири екстремитети, како и тешкотии при голтање и дишење и многу останати тешки симптоми.

Во институт во Санкт Петерсбург, Русија, понудено и е лекување кое ќе и ја подобри значително состојбата, кое чини 8.000 евра, само за првиот третман. Бидејќи ќе биде подолготраен процес и ќе треба да се оди неколку пати.

Но, сега сакаме да упатиме апел за помош за првиот третман.

Тие средства не може сама да ги обезбеди, па затоа ги молиме сите хумани луѓе да донираат онолку колку што можат за нејзино лекување.

Предвреме ви упатуваме голема благодарност до сите, за заедно да спасиме нечиј живот.

Денарска сметка за донации: 500600016598443, Стопанска банка Битола.

Девизна сметка: IBAN MK07500080003654013 SWIFT CODE STBBMK22 – Стопанска банка АД Битола.

Донациски број од “Т-мобил“ 143-121, 100 денари.
Донациски број од “Вип” 143 474, 100 денари.

Првиот славен лет на англиската авијатичарка Еми Џонсон на релацијата од Лондон до Австралија се случил во мај 1930 год. Особено e интересно што таа приказна е поврзана и со градот Скопје.

Еми Џонсон е родена во Хал во 1903 год. Во 1929 г. почнала да посетува курсеви по летање и станала страсна вљубеничка во авионите и височините. Нецела година потоа, се одлучила на храбар чекор, со кој се прославила во светот: сакала да биде првата жена што ќе ја прелета релацијата од Лондон до Австралија!. Ја нарекувале и Линдберг девојка и Кралица на височините. Самата набавила еден од тогашните популарни мали авиони „џипси мос“ и со него, на 5 мај 1930 г., полетала од аеродромот „Крејдон“ во Лондон, кон градот Порт Дарвин во Австралија.

Оттогаш, светскиот печат го следел секој детаљ од нејзиниот лет, а таа станала ѕвезда за која сите зборувале. Еве како била следена во весниците нејзината непредвидлива маршрута: „Мис Џонсон е на пат за Карачи“, „За 8 дена таа прелета 5.500 милји и пристигна во Калкута“, „Мис Џонсон тргнува денес од Рангун за Австралија“. Целиот свет е на нозе и ја следи младата Англичанка. Оштетувањата на авионот самата ги поправала, ја зафаќале силни бури, а се случувало да лета само два метра над површината на океанот. Во Порт Дарвин во Австралија пристигнала на 24 мај 1930 год., пречекана од голема група обожаватели. Повеќето градови во Австралија ја прифаќале со воодушевување, а во Сиднеј ја поздравиле сто илјади луѓе. Во Бризбен, при слетувањето, авионот ѝ бил оштетен, а потоа спакуван во делови и испратен за Лондон.

Откако поминала шест недели во Австралија, мис Џонсон го започнала своето враќање со брод и пристигнала во Египет. Оттаму требало авионски да биде префрлена во Англија. Значи, таа слетала во Скопје, но со патнички авион, претходно патувајќи со брод од Австралија до Египет. Интересен е податокот дека во април 1930 год., британската компанија „Империјал ервејз“ воспоставила линија помеѓу Лондон и Индија, со задолжително слетување во Скопје. Од Египет, Еми Џонсон долетала во Атина, а потоа во Солун. Скопје ги очекувало патничкиот авион и нејзиното пристигање на 3 август 1930 год., во утринските часови. Каква била атмосферата во Скопје при пречекот, какви детали се познати и зачувани до денес? На скопскиот аеродром славната Еми Џонсон слетала на 3 август, нешто по седум часот, со авионот на „Империјал ервејз“, кој го носел името „Сити оф Глазгов“.

Еве како изгледал тој пречек во Скопје според тогашните записи: „Изутринава во Скопје долета славната англиска авијатичарка мис Еми Џонсон. Скопјани беа воодушевени, особено скопските дами, кои не сакаа да ја пропуштат оваа исклучителна шанса да ја поздрават хероината што ја прослави својата татковина, но и целиот женски род. Веќе од 6 часот наутро, на аеродромот започнаа да пристигнуваат пајтони и автомобили на угледни граѓани. Паѓаше во очи големиот број на скопските дами, меѓу кои имаше и неколку постари, во карактеристична скопска народна носија“. Кога слегла од авионот со својата придружба, на славната мис Џонсон прв ѝ пришол градоначалникот на Скопје, г. Јосиф Михајловиќ. Ја поздравил на англиски јазик, посакувајќи ѝ добредојде од името на граѓаните на Скопје и подарувајќи ѝ прекрасен букет од свежи рози. Била поздравена и од други високи личности од авијацијата и политиката во градот. Скопјани постојано ѝ отпоздравувале со мавтање на рацете, а Англичанката со својата појава и однесување веднаш ги освоила нивните симпатии.

Еми Џонсон

Понатаму во записите стои: „Мис Џонсон очигледно беше изненадена и возбудена од толку искрени изрази на симпатија од страна на скопјаните. На сите поздрави таа одговараше со ,мерси`“. Непрестано давала автограми, а кога ја поканиле на појадок во хангарот, одговарала и на прашањата од новинарите и граѓаните. Прашање: „Зошто одлучивте да летате преку океанот?“ Одговор на мис Џонсон низ насмевка: „За да станам позната, тоа е во природата на човекот. Главен предизвик ми беше далечината меѓу Лондон и Австралија. На пат со авионот поминав 19 дена“. – „Кога ви беше најтешко?“ – „Тоа беше над океанот, во близината на островот Јава. Навлегов во бура што траеше пет часа. Тогаш првпат се помолив на Бога, и навистина се случи чудо. Авионот се крена над облаците и се појави виножито“. Пред тргнувањето за Белград, а оттаму за Лондон, една скопјанка ја поздравила со следните зборови: „Ви благодариме што дојдовте во Скопје, да го посетите нашето место. Дојдете ни повторно. И ви посакуваме наскоро да бидете покрај младоженец“. Кога сето ова ѝ го превеле, мис Џонсон се насмеала од срце. Подоцна изјавила: „Во Скопје имав убав пречек!“
Во Лондон младата авијатичарка ја пречекале, ни помалку ни повеќе, туку – еден милион луѓе! Таа била нестрплива да го види својот репариран авион, кој веќе ја чекал на аеродромот „Крејдон“. Мис Еми Џонсон, за жал, загинала млада, во 1941 година, за време на Втората светска војна. При еден лет, авионот со кој таа управувала, од непознати причини, се урнал во реката Темза. Нејзиното тело никогаш не било пронајдено!

Данило Коцевски за Нова Македонија

Овните прават грешки, Близнаците ќе запознаат интересна личност.

Прочитајте го хороскопот за 3 март.

Овен

Ве очекува поволен ден во кој лесно ќе ги решите сите проблеми. Ќе бидете задоволни.

Партнерот се труди да ви објасни дека правите грешки.

Проблеми со алергиите.

Бик

Во текот на денешниот ден ќе бидете оптоварени со работни обврски.

Имате впечаток дека саканата личност не е доволно подготвена за сериозни чекори.

Можен е пад на имунитетот.

Близнаци

Ве очекуваат среќни околности на полето на работата. Најдете доволно време да се посветите на своите амбиции.

Ви следи интересно познанство ако сте слободни. Ако имате партнер, можна е веридба.

Чувствителен кардиоваскуларен систем.

Рак

Поволен ден за решавање на проблемите на полето на работата. Ќе ја добиете поддршката од колегите и надредените.

Се чувствувате добро со саканата личност и среќни сте. Сметате дека вашата врска може да биде стабилна и успешна.

Проблеми со варењето.

Лав

Можно е да имате потреба да покажете дека некои работи се прават на поинаков начин.

Партнерот се сомнева во вас и имате проблеми и кавги поради таквата љубомора. Не ви годи таквата атмосфера.

Во одлична форма сте.

Девица

Имате впечаток дека сте направиле грешка на полето на работата која не сте сигурни дека можете да ја исправите.

Партнерот ви нуди максимална поддршка и добро се чувствувате поради тоа. Ве очекува поволен ден за љубов.

Хронични тегоби.

Вага

Имате можност да остварите нови договори кои ќе бидат значајни во иднина.

Подготвени сте за нови авантури. Ви годи вниманието кое го добивате. Уживате во новите можности.

Можни се проблеми со циркулацијата.

Шкорпија

Сакате да направите план во однос на работата до кој ќе се придржувате, но тоа не ви оди така лесно. Искористете го денот за одмор.

Ви се допаѓа личност која ја познавате подолго време. Подготвени сте да направите прв чекор.

Проблеми на нервна база.

Стрелец

Успешно се прилагодувате на промените на работа. Можете да очекувате дека ќе напредувате во наредниот период.

Решавате да тргнете од почеток. Сакате нова љубов.

Внимавајте на килограмите.

Јарец

На полето на работата ве очекува можност да исполните некоја своја желба, да ја остварите целта и амбицијата од претходно.

Полека доаѓа до заклучок дека личноста со која сте во врска не е идеален избор за вас.

Здравјето е одлично.

Водолија

Склони сте кон брзоплети реакции, а со самото тоа правите грешки и пропусти на полето на работата.

Внесувате нервоза во врската. Пред вас е неповолен период.

Внимавајте на холестеролот.

Риби

Можно е да имате финансиски потешкотии. Имате грижи над главата, но со позитивен став ќе најдете решение.

Пробувате да се опуштите и да се препуштите на позитивни чувства. Убаво ви е покрај саканата личност.

Посетете гинеколог или уролог.

Од „ЕВН Македонија“ АД информираат дека утре се планирани технички зафати во дистрибутивната електро-мрежа во Град Скопје и без електрична енергија ќе останат:

Во периодот од 09:00 до 12:00 часот корисниците од ул. Боривое Милошевски, ул.Вера Радосављевиќ. (Општина Гази Баба ), и

Во периодот од 09:00 до 13:30 часот корисниците од: ул. „14 ти Декември“ бр. 1 и 3, ООУ „Круме Кепески“ и останатите локали во кругот на ООУ „Круме Кепески“(Општина Кисела Вода)

Доаѓа првата седмица од март, а ние со нетрпение го очекуваме сонцето и пролетта. Кому оваа недела му носи љубов?

Овен

Оваа недела ги имате сите предиспозиции за да бидете успешни, гледајте тоа да го искористите на добар начин.

Постои незадоволство од страна на една личност која станала студена кон вас.

Чувствувате замор.

Бик

Ги решивте сите проблеми на работа кои ве мачеа, а сега сте преокупирано со финансиската стабилност. Тоа е она што ви е потребно.

Ви годи односот кој го имате со сегашниот партнер.

Пијте повеќе вода.

Близнаци

Работата нема да ве оптоварува оваа недела.

Заљубени сте до уши во личност родена во знакот Лав.

Спијте повеќе.

Рак

Се подобрува вашата финансиска ситуација. Не позајмувате пари на луѓе за кои не сте сигурни дека ќе ви ги вратат.

На полето на љубовта владее емоционална стагнација.

Здравјето е добро.

Лав

Не чувствувате дека работите пренапорно, бидејќи со леснотија го прифаќате тоа.

Заљубени сте како никогаш досега и емоционално исполнети.

Здравјето е добро.

Девица

Работата ви создава проблеми и ви пречи на личните планови. Не знаете дали да го следите патот на срцето или парите.

Партнерот ви е голема поддршка, но и тој губи трпение поради вашата работа.

Бидете физички поактивни.

Вага

Имате недоумици поради одлуките поврзани со работата. Можеби е подобро да ги пуштите другите да одлучат наместо вас.

Во љубовта постои личност која ве прави среќни како ниту една друга.

Занимавајте се со спорт.

Шкорпија

Работите повеќе од вообичаено, но оваа недела тоа нема да ви пречи бидејќи сте добро организирани.

Емоционално се потпирате на кратки врски, кои во последно време ги имавте дури и премногу.

Здравјето  е добро.

Стрелец

Имате потенцијал да напредувате на полето на работата. Треба само да и се обратите на една личност на работа која треба да ве забележи.

Оваа недела ви носи љубовен состанок, а тоа многу ве радува.

Добро се чувствувате.

Јарец

Плановите ви одат од рака и посветени сте на работата. Само така продолжете.

Имате сомнеж во саканата личност, избегнувајте кавги.

Ве мачи несоница.

Водолија

Се потпирате на членови на семејството за кои се надевате дека ќе ви помогнат да ја пребродите финансиската криза.

Заљубени сте, како и секоја пролет.

Добро се чувствувате оваа седмица.

Риби

Знаете што сакате и веќе сте на половина пат да го остварите тоа. Нема препреки.

Партнерот повторно ви се враќа во прегратки.

Здравјето е добро.

„Во сите овие години наназад, практично од осамостојувањето на нашата земја до денес, Сојузна Република Германија беше една од оние земји кои што без нималку задршка или двоумење, даде огромен придонес во нашите напори да изградиме стабилно, демократско и просперитетно општество подготвено да стане рамноправен член на евро-атланските асоцијации“ рече денеска, меѓу другото, министерот за внатрешни работи Оливер Спасовски по повод врачувањето на вредната донација на германското сојузно министерство за внатрешни работи во возила и опрема наменети за потребите на граничната полиција при Бирото за јавна безбедност на МВР на Република Северна Македонија.

На врачувањето на донацијата на која што присуствуваше и германскиот амбасадор во Република Северна Македонија,Томас Герберих, како и директорот при Федералната полиција на Германија, генералот Грегор Пелцл, министерот Спасовски рече дека оваа помош е повеќе од добредојдена.

„Но, она што е уште поважно, суштинско, како што впрочем констатиравме и  во разговорот со г-динот Пелцл и со амбасадорот Герберих, е фактот дека Сојузна Република Германија останува доследен поддржувач и близок соработник на Република Северна Македонија во нашата решеност за спроведување на реформите и патот кон членство во Европската унија“, потенцираше министерот Спасовски.

Донацијата се состои од 20 возила „Дачија дастер“, вредни околу 323.000 евра како и 351 пар чизми. Практично, во рамки на богатата, повеќегодишна билатерална соработка меѓу двете министерства во делот на донациите ова е трета германска донација за потребите на полициските единици при МВР, чија што вкупна вредност ја надминува цифрата од 660.000 евра. Во низата досега потпишани билатерални акти, договори и меморандуми за соработка, во моментов во тек е меѓусебното експертско ускладување на билатералниот договор меѓу владите на Република Северна Македонија и Сојузна Република Германија за соработка во борбата против криминалот што се очекува во скоро време да биде потпишан.

Алтуна Сејди - Туна, име што веќе е познато на сите генерации љубители на забавната музика, по извесно затишје, како што уметниците го нарекуваат „креативна тишина“, овојпат за посветеност на семејството, се враќа со концерт во Македонската филхармонија на 8 март, во 20 часот во организација на Културно информативен центар-Скопје (КИЦ). Со овој концерт пејачката одбележува две децении кариера и посветеност на музиката. На концертот таа ќе го промовира својот албум „Фортуна“, а ќе изведе и избрани песни што се паметат и што публиката сака да ги пее. Туна издаде неколку албуми од кои се издвојуваат хитовите: „Да живееме“, „Чао мачоман“, „Пироман“, „Туна“, „Нема веќе диктатура“, „Тестамент“, „Психолози“, „Женска сила“, „Инат“, „Сакаме“ и др. Што ќе бидат дел од програмата на претстојниот концерт.

За време на своето дведецениско присуство на музичката сцена таа ги зазема концертните подиуми во својата и надвор од земјава, нејзината музика се искачи на врвот на топ-листите.Имаше само 15 години кога се појави на музичката сцена. Стана препознатлива по својот уникатен стил и имиџ и веднаш ги освои срцата на љубителите на музиката.

Многумина ја сметаат за енергична девојка, уникатна пејачка на сцената со привлечен глас. Со своите ритмички песни брзо стана популарна во Косово, во Македонија и во Албанија. По стапнувањето на музичката сцена веднаш се најави како победник на фестивалот „Нота фест“ во Скопје. Оваа победа и ги отвори вратите до сите концертни подиуми. Туна, како борбена девојка, смело, со желба да го пренесе својот глас до публиката, ја отпочна својата кариера соработувајќи со звучни музички имиња. Иако млада, доби статус на тренер во музичката програма „X-фактор на Албанија“. Потоа учествуваше во комисии и на други музички фестивали.
 

Агенцијата за администрација наскоро ќе воведе специјална комисија за ревизија на било која постапка за вработување за која постои сомневање, најави денеска министерот за информатичко општество и администрација Дамјан Манчевски.

-Во комисијата ќе имаат право да учествуваат претставници на опозицијата и на владејачките партии, како и надворешни луѓе кои ќе бидат дополнителен механизам за контрола на ваквите ситуации, рече Манчевски во одговор на новинарско прашање на денешната прес-конференција во Владата.

Тој посочи дека нема точна бројка колку од случаите кои од јавноста беа оценети како непотизам при вработувањето се повлекле од своите работните места и додаде дека се очекуваат и резултатите од постапката што ја спроведува Државната комисија за спречување на корупција.

-Процесот е во тек и секој ден ќе се зголемува бројот на лицата кои се повлекуваат, рече Манчевски.

Прашан до каде е процесот на прераспределување на вработените по Рамковен договор кои седат дома и земаат плата, Манчевски рече дека постапките за прераспределба  се ставени во мирување од 8 февруари кога беа распишани претседателските избори.

-До  8 февруари кога падна забраната процесот се одвиваше со одредена динамика, а ќе продолжи веднаш откако ќе завршат претседателските избори, рече Манчевски и додаде дека се забранети и останатите избори и именувања се додека Државната изборна комисија не ги објави официјалните резултати од претседателските избори.

МВР не е безбедноста во државата сама по себе, МВР и безбедноста во државата сме сите ние. И граѓаните и другите институции треба да преземат мерки од сопствената надлежност ако сакаме да бидеме ефикасни.

Ова е пораката од министерот за внатрешни работи Оливер Спасовски, што ја упати денеска по примопредавањето на донацијата од возила и опрема за МВР од Федералната полиција на Германија, како одговор на новинарско прашање за безбедноста на граѓаните по се зачестените убиства што се случуваат.

Тој информираше дека во 2018 година се случиле 18 убиста, од кои само едно не е расчистено.

– Апелирам да не очекувате дека истрагите ќе ги водиме преку медиуми. Вие ќе ги поставите камерите, а јас ќе ги соопштам сите детали, иако знам дека тоа е многу интересно. Тоа од мене не го очекувајте. Кога ќе имаме конкретни информации, ние ги споделуваме со јавноста, рече Спасовски.

На прашањето колкав е временскиот период што му треба на МВР да излезе со детали за одредена истрага за расчистување на убиство, конкретно за убиството на „Рузвелтова“, Спасовски потенцира дека водењето на истрагите ќе заврши кога ќе завршат сите дејствија.

–  Водењето истрага не значи градба на зграда. Тоа не е план што се прави однапред и точно секој ден да ги добивате тие податоци и информации, додаде.

Наведе дека МВР презема превентивни мерки, кои придонеле бројот на убиства да биде значително намален во споредба со претходната година.

Во однос на убиството во Сарај, информира дека МВР за убиецот и во 2014 година и во декември 2018 година има поднесено кривични пријави до Јавното обвинителстово за носење оружје.

–  Таа постапка наместо да заврши со притвор оди по редовна постапка и тој е на слобода. Постојат многу вакви активности и тоа покажува дека мора системот да јакне, појасни министерот Спасовски.

Во врска со пукањето на „Партизанска“ во Скопје, информира дека е констатирано оти се работи за пукање во воздух, а не за пукање помеѓу две возила. Најави дека многу скоро МВР ќе ги има идентитетите на луѓето.

На прашање колкав е бројот на нелегално оружје во државата, министерот Спасовски посочи дека има многу претпоставки, но е многу тешко да се утврди таа бројка, посебно после конфликтот во 2001 година. Потсети дека беа организирани неколку акции за доброволно предавање на нелегалното оружје, но и можности за легализација на оружејто.

– Периодот за обновување на дозволите за оружјето го продолжуваме неколку пати. Граѓаните го имаат тоа право, меѓутоа не го користат. Едноставно не ги почитуваат роковите и покрај сите кампањи што ги водиме во јавноста, изјави министерот за внатрешни работи.

Додаде оти паралалено со одредени НВО кои работат во оваа област, многу се работи пред се на подигањето на свеста кај граѓаните, но и да се изнајдат и други механизми што би придонеле за намалување на користењето на малото-лесно оружје.

Министерот Спасовски истакна дека МВР постојано работи и презема активности за спречување на трговија со оружје и на наркотични средства.

Важи ли се уште забраната за автомобили на Водно?

Зголемувањето на цените на паркингот не ги задржа граѓаните да одат со автомобили на Водно. 

Градот Скопје од пред една година воведе забрана за движење возила на патот до Средно Водно која ќе важи секој викенд и за време на државните празници, и тоа во еден правец, од клучката за Сопиште до Средно Водно и од паркингот кај манастирот „Свети Пантелејмон“ до Средно Водно, се со цел намалување на загадувањето.

Сепак, за времене на изминатиот викенд се фотографирани многу автомобили на Водно и покрај забраната и високите казни. Поскапиот паркинг не ги предомисли скопјани. Сепак и изматиот викенд имаше еден куп возила, кои им пречеа на они кои сакаа да уживаат во чистиот воздух. 

Град Скопје планира да го направи Водно туристичко-рекреативен центар, а посебен акцент ќе биде ставен на велосипедизмот. За таа цел, во Програмата за општа туристичка пропаганда и за подобрување на условите за престој на туристите во град Скопје за 2019 година, се предвидени 1.200.000 денари или 20.000 евра за изработка на Студија за туристичко-рекреативен центар Водно.

– Идејата е да се изврши комплетно скенирање на планината и можностите што ги нуди за рекреација на скопјани, како и привлекување на туристи од земјата и странство. Целта на оваа студија е да се добие проект за комплетен рекреативен центар со обележани патеки за пешачење, планинарење, планински велосипедизам, екстремен велозипедизам, итн. – се наведува во Програмата.

Скопјани велат дека можностите што ги нуди планината се големи, меѓутоа недоволно експлоатирани досега. Ги поздравуваат напорите на градските власти конечно Водно со своите природни убавини да се направи рекреативен центар кој ќе ги обедини не само луѓето кои рекреативно ја искачуваат планината, туку ќе им овозможи на љубителите во велосипедизмот да можат да тренираат на обележани велопатеки.

Пред почетокот на годишната сезона – пролетта, Општина Чаир започна со поправање на оштетените парковски клупи во новиот парк во близина на поликлиниката во Чаир.

– Нема да престанеме во мисијата на нашите граѓани да им создадеме услови за да уживаат во убавината на зеленилото, велат од општината.
Исто така, општинските екипи за кратко време ќе постават и нови клупи во потребните локации низ целата територија на Општина Чаир и нема да толерира никакво нивно оштетување.

-Дојдено е време да се научиме да ја сакаме и почитуваме природата, да мислиме за општото добро и да не оштетиме нешто што им служи на сите граѓани, додаваат од Чаир .

Македонската Радио Телевизија стана Северна Македонска Радио телевизија, а Македонскиот Народен Театар, Северно Македонски Народен театар.

– Засега само на мапите од светскиот пребарувач број 1, Гугл, но овој потег го отвори прашањето што ќе биде со институциите кои во своето име ја имаат придавката „македонска/македонски“.

На ова прашање нема јасен одговор уште од времето на потпишувањето на Преспанскиот договор, но во упатството што МНР го издаде за странските новинари, стои дека придавката северно македонски не е согласно со договорот

-Правилни примери  за државата, нејзините официјални органи и останати јавни институции: Влада на Република Северна Македонија, Претседател на Северна Македонија, Министер за надворешни работи на Северна Македонија, Министерот за одбрана на Северна Македонија, Општина Охрид  од Северна Македонија,  Универзитет Св. Кирил и Методиј од Северна Македонија.

Неправилни примери: Други придавки, вклучително и „Северно македонски”, „Македонски”, „С. Македонски” и „СеверноМакедонски”, не треба да се употребуваат во овие случаи.

Што ќе биде со имињата на МТВ, МНТ, но и Македонска филхармонија, како и државните компании Македонски пошти, Македонски железници, Електрани на Македонија и слично, ќе биде појасно по утре... 

Генералниот секретар на владата Драги Рашковски, кој раководи и со меѓуресорската група за спроведување на договорот од Преспа, за Канал 5 вели дека на редовната владина седница ќе се решаваат сите детали за новите имиња на институциите.

За сега прва институција која го примени името е НБРМ. Таа сега е НБРСМ.

Народната банка засега е меѓу првите институција која го промени името, на сајтот на банката стои Народна банка на Република Северна Македонија.

Кога станува збор за промена на називите на институциите кои во себе го содржат името Република Македонија, договорот е јасен, пред нив мора да има придавка Северна. Во овој дел најсензитивно е прашањето за АРМ, кое е кратенка од Армија на Република Македонија.. Како ќе биде нејзиното именување во иднина, одговор засега нема.

Погледнете го визуелниот приказ на решението за Ул. „Орце Николов“. Вашите забелешки и сугестии се добредојдени и можете да ги достави на https://bit.ly/2HjyBGq, објави градоначалникот на Центар, Саша Богдановиќ на својот ФБ профил.

Целта на овој проект е да се зголеми безбедноста на улицата Орце Николов преку воведување на физички мерки за смирување на сообраќајот, а со тоа да се намали бојот на сообраќајни незгоди на овој потег.

Да се стимулираат пешачките токови каде што ќе се даде приоритет на пешаците и ќе се зголеми нивната безбедност при движење по должина на улицата Орце Николов.

Да се воведат велосипедски ленти кои ќе овозможат поврзување на велосипедистите со останатите велосипедски патеки кои веќе постојат или се предвидени согласно Планот за развој на велосипедски патеки на Град Скопје и со тоа ќе им се даде соодветен простор на велосипедистите за нивно безбедно движење.

Град Скопје ги известува уметниците кои живеат и работат во Скопје дека во соработка со ЈУ „Културно Информативен Центар (КИЦ)“ е распишан отворен повик за уметнички престој во Скопје, во периодот од 20 мај до 20 јуни 2019 година, како дел од активностите на европскиот проект на мрежата Креарт (CreArt – http://creart-eu.org) поддржан од програмата на Европската комисија „Креативна Европа“.

Повикот се однесува за уметнички престој и работа во Скопје за двајца уметници:  еден уметник кој живее и работи во Скопје и еден уметник кој доаѓа од 11-те градови-учесници во проектот CreArt.

Уметниците треба да работат во просториите на „Културно Информативен Центар“ во периодот од 20 мај до 20 јуни, а на крајот од престојот ќе се организира изложба со новосоздадените дела.