Трговскиот центар во населбата Лисиче деновиве ќе добие целосно ново осветлување. Старите и дотраени светилки ќе се заменат со нови 108 лед-рефлектори и светилки, кои се и енергетски поефикасни.
Општина Аеродром за новото осветлување издвои околу 2 милиона и 200 илјади денари
Работниците во државата најмногу се жалат на неисплатени плати, надоместоци и придонеси. По овој основ, во текот на 2018 година во Сојузот на синдикати на Македонија (ССМ) пристигнати се 840 обраќања од работници.
Потоа следуваат обраќањата по основ на права од стечајна постапка – 343, синдикални права – 221, прекувремена работа – 76, годишен одмор – 72 и регрес за годишен одмор – 50 обраќања.
Минатата година, како што денеска објави ССМ, не се евидентирани обраќања во врска со вознемирување на работното место.
Податоците на ССМ покажуваат дека од вкупно 1.637 обраќања најголем број поточно 800 имало во Синдикатот на индустријата, енергетиката и рударството (СИЕР), потоа 212 во Синдикатот на работниците од агро индустрискиот комплекс, 135 во Синдикатот од угостителството, туризмот, комунално-станбеното стопанство, занаетчиството и заштитните друштва (СУТКОЗ) и 129 во Синдикатот од текстилната, кожарската и чевларската индустрија.
Поднесени се четири тужбени барања, водени сe пет расправи и добиени се шест пресуди.
Во однос на превентивната заштита на работничките права, ССМ информира дека дадени се 1298 совети, изготвени се 147 мислења, 52 барања и 34 приговори.
Корисниците од улиците „Дане Крапчев“, „Радњанска“, „Благоја Давков“, „Славка Недиќ“ и „Дебарца“ во општина Центар, утре ќе останат без вода, информираат од РЦУК.
Од ЈП Водовод и канализација е добиено известување дека заради замена на два затворачи на водоводна мрежа со пречник 80 мм на крстосницата од улиците „Дане Крапчев“ и „Радњанска“, на ден 06.03.2019 год. (среда), без водоснабдување ќе останат корисниците од истите улици и улиците „Благоја Давков“, „Славка Недиќ“ и „Дебарца“ (општина Центар), се наведува во соопштението.
Утре, 6 март ќе се спроведе крводарителска акција во Општина Центар (Барака 6) од 09:00 до 12:30 часот.
Во крводарителската акција ќе се вклучат вработените на Општина Центар и вработените од Јавното претпријатие Паркинзи на општина Центар (ПОЦ), а акцијата е од отворен карактер.
Се повикуваат сите жителите на општинатата и надвро од неа да дојдат и да даруваат крв.
Џез, блуз и пријатна атмосфера во „Портовино остерија и бар“ со музиката на Џон Илија Апелгрин.
Поинакво искуство за денот на жената, велат организаторите. Забавата почнува во 21:30 часот.
Ниската откупна цена и недостигот од овчари се главните проблеми со кои се соочуваат сточарите во државата, а кои беа изнесени на годишното собрание на националниот Сојуз на овчари на Македонија.
Овчарите побараа од Владата интервентна мерка од 40 денари за килограм жива мера за да не работат со загуба. Покрај ниската откупна цена на јагнето, сточарите мака мачат да најдат овчари, иако нудат плата од 500 евра.
Новиот претседател на Сојуот на овчари, Никола Георгиев, кој беше избран вчера на годишното собрание, за Вечер изјави дека моментално производствената цена на јагнето според нивни пресметки изнесува околу 180 денари за килограм, а се отапува по 140 денари за килограм. – Тоа значи дека работиме со загуба. Затоа бараме од Владата и од ресорното министерство дополнителна субвенција од 40 денари за килограм, изјави Георгиев.
Покрај ниската откупна цена, немањето овчари, проблем за сточарите, е лошата инфраструктура, односно немање пристапни патишта до пасиштата и фармите. Георгиев објасни дека немаат пристап до струја и вода, а проблем претставува и бавната легализација на фармите
– Неможеме да обезбедиме доволно работници и покрај тоа што нудиме плати кои се добри за стандардот во државата никој не сака да ја работи оваа работа. Има фарми кои имаат по еден работник на 500 грла овци и покрај тоа што просекот е еден работник на 150 грла овци, изјави претседателот на Сојузот на овчарите
Претходно претседателот на овчарското здружение “Агроцентар", Митко Јанков, истакна дека откупната цена за прва класа јагнешко е 140, а за втора 130 денари/килограм жива мера.
– Според последните проценки врз основа на производните трошоци, цената треба да изнесува 182 денара. Но, ние сепак, не ја земаме предвид таа цена, туку остануваме на “старата# од 175 денари што беше претходно утврдена. Затоа ќе побараме вонредна мерка за доплата како кај тутунот, но до 40 денари за килограм. Висината на поддршката нема да биде за сите овчари иста, туку ќе зависи од постигнатата откупна цена на јагнето, но максимум 40 денари.
– Поддршката да се утврдува врз основа на откупната белешка каде јасно стои колку тежело јагнето и за колку е продадено, е нашиот предлог. Белешката ќе се однесе во Општина и таму на секој од нас ќе му се доплати, нагласува Јанков.
Недостигот од овчари не е проблем само во Македонија, минатата година овчари се бараа и во Грција, Турција, Хрватска, БиХ но и во соседна Србија, а платите кои се нудеа не беа за потценување и се движеа од 500 до 1.000 евра.
На 04.03.2019 во 15:30 часот во СВР Скопје било пријавено дека истиот ден околу 12:00 часот во село Арачиново И.У.(24) бил физички нападнат од лицето Ф.Р.(27) од с.Арачиново.
Потоа му нанел и повреда со остар предмет во пределот на натколеницата.
Се преземаат мерки за расчистување на случајот.
Основното јавно обвинителство Скопје поднесе Обвинителен акт против едно лице кое се товари дека сторило кривично дело – Неовластено производство и пуштање во промет наркотични дроги, психотропни супстанции и прекурсори од член 215 став 1 од Кривичниот законик.
На 6 февруари, при претрес во домот во кој привремено престојувал обвинетиот, било утврдено дека тој кај себе неовластено заради продажба држел наркотична дрога – марихуана спакувана во метална кутија со нето маса од 4,55 грама и наркотична дрога – хашиш со волумен од 8 милилитри во пластичен шприц. Истовремено биле пронајдени и две дигитални ваги со остатоци од марихуана и амфетамин, како и шише со остатоци од марихуана.
Ценејќи дека се уште постојат законските основи, а особено имајќи го предвид фактот дека против обвинетиот во истиот момент се водат постапки за уште едно кривично дело – Неовластено производство и пуштање во промет наркотични дроги, психотропни супстанции и прекурсори, како и за кривично дело – Разбојништво од член 237 став 4 во врска со став 1 од Кривичниот законик, надлежниот јавен обвинител до Основниот суд Скопје 1 Скопје достави и предлог за продолжување на определената мерка притвор за обвинетото лице.
На 04.03.2019 во 15:30 часот во СВР Скопје било пријавено дека истиот ден околу 12:00 часот во село Арачиново И.У.(24) бил физички нападнат од лицето Ф.Р.(27) од с.Арачиново.
Потоа му нанел и повреда со остар предмет во пределот на натколеницата.
Се преземаат мерки за расчистување на случајот.
Скопјанец во текот на вчерашниот ден останал без своето возило марка „Мерцедес 220“, соопшти МВР.
Вчера во 19 часот и 40 минути во СВР Скопје, 41-годишниот С.С од село Арачиново пријавил дека истиот ден во периодот 17.10 до 19.00 часот во село Арачиново непознат сторител го одзел неговото патничко возило „Мерцедес 220“ кое било оставено отклучено и со клуч на бравата.
Се преземаат мерки за расчистување на случајот.
Скопскиот меѓународен аеродром е прогласен за еден од најдобрите во Европа. ASQ наградата за квалитет на аеродромски услуги во категоријата аеродроми со под два милиона патници за 2018 година на Скопскиот аеродром овој аеродром му ја додели Меѓународниот совет на аеродроми -ACI, повикувајќи се на искуствата на патниците.
ACI ја доделува наградата од Програмата за квалитет на аеродромски услуги со која го мери задоволството на патниците низ 37 клучни индикатори за успешност. Се спроведува од сертифицирани агенти за спроведување анкети со патници додека тие се на аеродромот, преку прашалници за квалитет на аеродормските услуги на ACI.
Директорот на компанијата ТАВ која стопанисува со Скопскиот аеродром, Алпер Ерсој вели дека оваа награда за Скопскиот аеродром се доделува во четврти пат. Доделена е за 2012, 2013, 2015 и сега за 2018 година.
– Меѓународниот аеродром “Скопје# е најбрзорастечкиот аеродром на Балканот со двоцифрена стапка на раст во последните неколку години. Како што знаете, го достигнавме два милионитиот патник за една година, во 2018 година, само четири гоидни откако му посакавме добредојде на милионитиот патник во 2014 година, истакна тој и додаде дека брзиот раст е резултат на додавање на нови авиокомпании и дестинации, додека од суштинска важност за ТАВ е да се задржи задоволството на патниците и квалитетот на услугите.
Од Скопскиот, но и од Охридскиот аеродром наскоро нискобуџетната авиокомпанија “Виз Ер# ќе стартува неколку нови авиолинии, кои произлегуваат како обврска од договорот со Владата за субвенционирани летови. Така, за некој ден, на 19 и 20 овој месец стартува со летови од Баден-Баден, односно Бремен до и од Скопскиот аеродром, а во јули од Турку во Финска и од Ларника на Кипар. Се воведуваат и четири летови од Охрид каде што од средината на месецов ќе се лета за Малме и Милано, а во јули за Мемингем и за Дортмунд.
Лани преку аеродормите во Скопје и во Охрид беа превезени 2.351.585 патници, што претставува раст од 15 проценти во однос на 2017 година. Бројот на патници, како што информираат од ТАВ Македонија, бележи пораст и од почетокот на годинава. Во првите два месеца од годинава преку двата аеродорма се превезени 305.246 патници, што претставува седумпроцентен годишен пораст.
За мене треба да го знаеш ова: Бескрајно ќе те сакам. Ќе се грижам за тебе. Но, треба да бидеш луд за да мислиш дека јас сум жена која молчеливо ќе седи покрај тебе, која ќе прави сѐ за тебе, која ќе собира зад тебе и дека ќе ти бидам замена за мајка. Тоа не сум јас.
Јас сум онаа која ќе се шири низ целиот кревет, јас сум возбудлива, духовите, јас сум онаа која ќе ти се спротистави ако почувствувам дека не ме почитуваш, онаа која ќе ти го украде јорганот навечер.
Кога светот ќе се сврти против мене, јас ќе возвратам. Јас ќе се борам со раце, зборови, мускули и срце. Така сум воспитана, така сум израсната. Таа проаѓав низ сите мои битки, особено кога никој не веруваше во мене.
Нема да бидам жена која ќе седи со наведната глава и која ќе молчи. Жена која секогаш чека мажот да биде возач, мажот да биде раката која ќе ја пренесе преку улица, глас кој ќе ѝ кажува што да прави и што да биде. Јас никогаш нема да бидам таква жена.
Јас секогаш ќе бидам покрај тебе.
Ако бараше жена која само седи и се смешка, која ќе ти биде како мајка и која ќе ти ги исполнува сите каприци – тоа нема да бидам јас. Ќе те сакам, ама нема да ги трпам твоите глупости. Ќе бидам искрена, ќе се борам за тебе, ќе бидам покрај тебе.
Ова ќе бидам јас: Јас ќе бидам жената која ќе се бори за тебе. Жена чии раце можат да те излекуваат. Жена која ќе те сака со најслатка нежност, но како лавица ќе се борам против светот кој ќе сака да ме контролира. Јас ќе бидам твојата неуредна избушавена коса, твоите најсилни чувства. Јас ќе бидам твојот борец, твојот партнер, твојата друга половина, твојот здив.
Јас ќе бидам жената која ќе ја сакаш. А јас и ти, рамо до рамо, заедно ќе го освоиме овој свет.
Екипите на Град Скопје работат на реконструкција на улицата „Антон Димитров“, во Драчево, што ќе се обнови на вкупна должина од 1.450 метри. На терен ќе се вградат порамнителен и завршен слој на коловозот со површина од околу 10.000 квадратни метри, како и тротоари од бекатон на површина од околу 6.500 квадрати. Увид во градежните работи на оваа улица денеска изврши градоначалникот Шилегов.
– Град Скопје годинава ќе реконструира повеќе булевари и улици што се во наша надлежност. Од редот на приоритетите ги издвојувам првата фаза од проширувањето и реконструкцијата на булеварот „АСНОМ“, реконструкцијата на дел од булеварот „Партизански одреди“ и на улиците „Февруарски поход“, „Лазар Личеноски“, „Брадфордска“, како и обновата на улицата каде што се наоѓаме денеска, „Антон Димитров“, поранешната улица „Жарко Зрењанин“. Реконструкцијата на улицата „Антон Димитров“ е предвидено да заврши оваа година, а Градот Скопје за овој зафат ќе потроши околу 19,4 милиони денари, рече градоначалникот Шилегов.
Улицата „Антон Димитров“ секојдневно ја користат жителите на Драчево и околните населби во општината Кисела Вода. Поради градежните активности, на улицата ќе биде воведен привремен режим на сообраќај.
– Апелирам до сите учесници во сообраќајот да се придржуваат на привремено поставениот сообраќаен режим, да ја почитуваат поставената патна сигнализација и брзината на движење да ја приспособат на условите на патот. Граѓаните на Скопје заслужуваат безбедни улици, без дупки, каде што движењето ќе се одвива непречено. Продолжуваме со редовната реконструкција на сите оштетени улици за да овозможиме сообраќајот во нашиот град да се одвива побезбедно и поефикасно, нагласи градоначалникот Шилегов.
Секојдневните активности на екипите на ЈП „Паркови и зеленило“ за одржување на зеленилото, забележително се насочени во предпролетно уредување на зелените површини.
Имено, деновиве екипите вршат обновување со нов цветен сезонски расад од видот љубичица (lat.viola) онаму каде постоечкиот расад е оштетен.
И во иднина ќе продолжат со цел за да го разубавуваат градското зеленило во месеците кои следат.
И покрај тоа што голем број граѓани веќе возеле по него, од Министерството за транспорт и врски тврдат дека автопатот Штип - Миладиновци се уште не е отворен за сообраќај.
Според неофицијалните информации добиени од таму, неговото пуштање во употреба се очекува за време на викендот.
Во просториите на општина Центар денеска се одржа крводарителска акција. Меѓу хуманите луѓе кои даруваат крв беше и градоначалникот Саша Богдановиќ.
– Јас веќе дарував крв. Се уште не е доцна да ни се придружите и да бидете хумани – напиша Богдановиќ на својот фејсбук профил.
Се уште се прават испитувања за причината поради која на Клиниката за детски болести вчера почина две и полгодишното девојче, а според првичните резултати се работи за пнеумококна бактерија, односно инвазивна пнеумококна болест.
Ова го изјави директорката на Клиниката за детски болести, Катерина Ставриќ, денеска пред Клиниката.
Ставриќ рече дека детето било примено на интензивна нега во понеделникот попладне, во тешка клиничка слика на сепса. Детето претходно било релативно здраво, со респираторена инфекција и една недела било третирано од страна на матичен лекар.
Дента поради влошување на состојбата е донесено на Клиниката. Примено е на Оддел за интензивна нега, поставено на респиратор, но и покрај сите преземени тераписки процедури по престој од 12 часа детето почина, се вели во соопштението од Клиниката за детски болести.
На Клиниката за детски болести, како што информира Ставриќ, во моментов има околу 30 деца со грип и околу десет деца со морбили.
Државниот студентски дом „Скопје“ соопшти дека освен материјална штета на санитаријата, нема повредени при паѓањето на таваните во два тоалета во домот „Стив Наумов“ вчеравечер.
Информира дека се работи на поправка и тоалетите ќе бидат ставени во функција во текот на денов, нагласувајќи дека инцидентот е последица на неквалитетна реконструкција на тоалетите направена од претходното раководство на домот.
-Од утрово ангажирани екипи веќе работат на санација на плафоните во двата тоалета и во текот на денот тие ќе бидат санирани и ставени во функција. Паднатиот таван во студентскиот дом „Стив Наумов“ е последица од неквалитетната реконструкција на тоалетите во домот, што е уште еден од низата проблеми кои ги остави претходното раководство, соопшти Државниот студентски дом, додавајќи дека ќе ја разгледа документацијата за извршената преадаптација на тоалетите во „Стив Наумов“ односно кој ја одобрил и на што се должи нискиот квалитет.
Државниот студентски дом најави и дека со германска помош ќе бидат реконструирани сите студентски домови по приоритетна листа и дека за таа намена Министерството за образование и наука веќе издвоило 30 милиони денари.
Во надлежност на Државниот студентски дом „Скопје“ (поранешен Државен студентски центар) се четири единици: „Гоце Делчев“, „Стив Наумов“, „Кузман Јосифовски-Питу“ и „Невена Георгиева-Дуња“ т.е. Медицинар.
Деновиве по социјалните мрежи почна да кружи ова видео за урнатиот тоалет во Студентскиот дом „Стив Наумов“.
Јавното претпријатие Водовод и канализација соопштува дека без вода денес ќе останат жителите на улица „Душко Петковиќ"во населба Бутел.
„Ве известуваме дека денес поради уличен дефект на водоводна мрежа ф 80 м.м. на улица Душко Поповиќ 10 со прекинато водоснабдување ке бидат корисниците од улицата Душко Попович, 40 куќи од 14:20 часот до завршување на дефектот", се вели во соопштението на претпријатието.
Друштво за информатички, технички и консултански услуги ДМС КОМУНИКАЦИЈА ДОО СКОПЈЕ, компанија која стои позади првиот градски информатор – веб порталот www.skopjeinfo.mkобјавува оглас за ангажирање Менаџер за финансии и администрација.
Лицето ќе биде одговорно за управување со финансиските и административните активности, изготвување и следење фактури, поставување временска рамка и буџет за вршење финансиски проекти, одржување и следење на стандардни финансиски и административни процедури, утврдување и решавање на стандардните административни и финансиски прашања, анализирање и изготвување на финансискии извештаи, водење на административните работи поврзани со организација и работа на компанијата.
Потребни услови:
Заинтересираните кандидати своите апликации (CV и Мотивицаско писмо) потребно е да го испратат на е-маил адреса marketing@skopjeinfo.mkнајдоцна 7 дена од објавување на овој оглас.
Кандидатите кои успешно ќе ја поминат првата фаза од селекцијата ќе бидат контактирани во рок од 30 дена од завршување на огласот.